புதுக்கோட்டை: சிங்கப்பூரில் மின்னல் தாக்கி உயிரிழந்த புதுக்கோட்டை மாவட்டம் வடகாடு பகுதி இளைஞரின் உடலை சொந்த ஊருக்கு கொண்டுவர தமிழக அரசு நடவடிக்கை மேற்கொண்டுள்ளது என்றார் மாநில பிற்படுத்தப்பட்டோர் நலத்துறை அமைச்சர் சிவ.வீ.மெய்யநாதன்.
ஆலங்குடி அருகேயுள்ள வடகாடு ஊராட்சி சேர்வைகாரன்பட்டியைச் சேர்ந்த மதியழகன் மகன் செந்தூரன்(25).தொழிற்கல்வி படித்துள்ள இவர், சில மாதங்களுக்கு முன்பு சிங்கப்பூருக்கு வேலைக்கு சென்றுள்ளார். அங்கு உள்ள கட்டுமான நிறுவனம் ஒன்றில் வேலைபார்த்து வந்த அவர், திங்கள்கிழமை ஒரு கட்டடத்தில் வேலை பார்த்துக்கொண்டிருந்தபோது மின்னல் தாக்கி செந்தூரன் அந்த இடத்திலே உயிரிழந்தார். இதுகுறித்து சிங்கப்பூரில் அவர் வேலைபார்த்து வந்த நிறுவனத்தினர் கைப்பேசி மூலம் அவரது குடும்பத்தினருக்கு தகவல் தெரிவித்துள்ளனர்.இதைக்கேட்டு அதிர்ச்சியடைந்த பெற்றோர், உறவினர்கள் பெருந்துயரடைந்தனர்.மேலும் அவரது உடலை சொந்த ஊருக்கு கொண்டுவர தமிழக அரசு நடவடிக்கை எடுக்க வேண்டுமென அவரது பெற்றோர் கோரிக்கை விடுத்தனர்.
இந்நிலையில் உயிரிழந்த இளைஞரின் வீட்டிற்கு சென்ற மாநில பிற்படுத்தப்பட்டோர் நலத்துறை அமைச்சர் சிவ.வீ.மெய்யநாதன். அவரது பெற்றோர் மற்றும் குடும்பத்தினருக்கு ஆறுதல் தெரிவித்து நிதி உதவி வழங்கினார்.
அப்போது, தமிழக முதல்வர் உத்தரவிட்டதைத் தொடர்ந்து, சிங்கப்பூர் வெளியுறவுத் துறை அதிகாரிகளிடம் தமிழக அரசு சார்பில் பேசி உயிரிழந்த செந்தூரனின் உடல் சொந்த ஊருக்கு கொண்டுவர நடவடிக்கை எடுக்கப்பட்டுள்ளது. அதன்படி, இளைஞரின் உடல் நாளை பிற்பகல் சிங்கப்பூரிலிருந்து விமானம் மூலம் திருச்சி கொண்டுவரப்பட்டு அங்கிருந்து சொந்த ஊருக்கு கொண்டு வர நடவடிக்கை மேற்கொள்ளப்பட்டுள்ளது என்றார்.
புதுக்கோட்டை: சிங்கப்பூரில் பணியின்போது மின்னல் தாக்கி புதுக்கோட்டை மாவட்டம் வடகாடு பகுதி இளைஞர் உயிரிழந்த சம்பவம் அப்பகுதி மக்களிடையே சோகத்தை ஏற்படுத்தியுள்ளது.
புதுக்கோட்டை மாவட்டம் ஆலங்குடி அருகேயுள்ள வடகாடு ஊராட்சி சேர்வைகாரன்பட்டியைச் சேர்ந்த மதியழகன் மகன் செந்தூரன்(25).தொழிற்கல்வி படித்துள்ள இவர், குடும்ப சூழ்நிலை காரணமாக கடந்த 5 மாதங்களுக்கு முன்பு சிங்கப்பூருக்கு வேலைக்கு சென்றுள்ளார். அங்கு உள்ள கட்டுமான நிறுவனம் ஒன்றில் வேலைபார்த்து வந்துள்ளார். இந்நிலையில், திங்கள்கிழமை கட்டடத்தில் வேலை பார்த்தேக்கொண்டிருந்தபோது மின்னல் தாக்கி செந்தூரன் சம்பவ இடத்திலே உயிரிழந்தார். இதுகுறித்து சிங்கப்பூரில் செந்தூரன் வேலைபார்த்து வந்த நிறுவனத்தினர் அலைபேசி மூலம் அவரது குடும்பத்தினருக்கு தகவல் தெரிவித்துள்ளனர்.இதைக்கேட்டு அதிர்ச்சியடைந்த பெற்றோர், உறவினர்கள் பெருந்துயரடைந்துள்ளனர். செந்தூரன் உயிரிழப்பு குறித்து உரிய விசாரணை நடத்தி இழப்பீடு பெற்றுத்தருவதோடு, அவரது உடலை சொந்த ஊருக்கு கொண்டுவர அரசு நடவடிக்கை எடுக்க வேண்டுமென செந்தூரன் குடும்பத்தினர் கோரிக்கை விடுத்துள்ளனர்.குடும்ப சூழலுக்காக வெளிநாடு வேலைக்கு சென்று இளைஞர் மின்னல் தாக்கி உயிரிழந்த சம்பவம் அப்பகுதி மக்களிடையே சோகத்தை ஏற்படுத்தியுள்ளது.
புதுக்கோட்டை: புதுக்கோட்டை மாவட்டம் கீரமங்கலத்தில் சேதமடைந்துள்ள பிரமாண்ட சிவன் சிலை தடாகச்சுவற்றை சீரமைத்துர வேண்டுமென அப்பகுதி மக்கள் கோரிக்கை விடுத்துள்ளனர்.
கீரமங்கலத்தில் பழமை வாய்ந்த ஒப்பிலாமணி உடனுறை மெய்நின்றநாதர் கோயில் உள்ளது.இக்கோயிலில் சுமார் 10 ஆண்டுகளுக்கு முன்னர் கோயில் முன்புள்ள குளத்தின் நடுவில் 82 அடி உயர பிரமாண்ட சிவன் சிலை அமைக்கப்பட்டுள்ளது. மேலும், சுற்றுச்சுவர், தடுப்புச்சுவர், நடைபாதை அமைக்கப்பட்டது.
கோயிலுக்கு வரும் பக்தர்கள் நடை பாதை வழியாக சிவன் சிலையை சுற்றிப் பார்ப்பதுடன், தினசரி நூற்றுக்கணக்கானோர் நடைப்பயிற்சிக்காகவும் வந்து செல்கின்றனர்.மேலும், சிவராத்திரி உள்ளிட்ட தினங்களில் ஏராளமானோர் கிரிவலம் செல்கின்றனர்.
இந்நிலையில், உரிய பராமரிப்பு இல்லாததால் மழையால் தடாகச்சுவற்றில் விரிசல் ஏற்பட்டு சாய்ந்து விடும் நிலையில் உள்ளது.
நடை பாதை மற்றும் தடாகத்தின் சுற்றுச்சுவர் சேதமடைந்துள்ளதால் பக்தர்கள் அச்சத்துடனேயே சிவன் சிலையை சுற்றி வருகின்றனர்.
மேலும், தற்போது பருவமழை தொடங்கியுள்ளதால் குளத்தின் தடுப்புவர் மேலும் விரிசல் ஏற்படத் தொடங்கியுள்ளதால் உடனே சேதமடைந்த சுவற்றை சீரமைத்துத்தர நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.
(படம்)கீரமங்கலத்தில் மெய்நின்றநாதர் கோயிலில் அமைக்கப்பட்டுள்ள பிரமாண்ட சிவன்சிலை
புதுக்கோட்டை மாவட்டம் கீரமங்கலம் அருகேயுள்ள செரியலூர் கறம்பக்காடு முத்துமாரியம்மன் கோயில் தேரோட்டம் திங்கள்கிழமை மாலை நடைபெற்றது.
கீரமங்கலம் அருகேயுள்ள பிரசித்தி பெற்ற செரியலூர் கறம்பக்காடு முத்துமாரியம்மன் கோயில் திருவிழா கடந்த வாரம் காப்புக் கட்டுதலுடன் தொடங்கியது.தொடர்ந்து, மண்டகபடிதாரர்கள் சார்பில் கோயிலில் தினசரி அம்மனுக்கு சிறப்பு அபிஷேக ஆராதனைகள், வீதியுலா நிகழ்ச்சியும் நடைபெற்று வந்தன.திருவிழாவின் முக்கிய நிகழ்ச்சியான தேரோட்டம் திங்கள்கிழமை மாலை நடைபெற்றது. இதையொட்டி, சிறப்பு அலங்காரத்தில் காட்சியளித்த அம்மனை அலங்கரிக்கப்பட்ட தேரில் எழுந்தருளச் செய்து தேரோடும் வீதிகள் வழியே ஏராளமானோர் தேரை இழுத்து வந்தனர்.இதில் செரியலூர் கறம்பக்காடு, கீரமங்கலம் உள்ளிட்ட மாவட்டத்தின் பல்வேறு பகுதிகளில் இருந்து ஏராளமானோர் கலந்து கொண்டனர்.கீரமங்கலம் போலீஸார் பாதுகாப்பு பணிகளை மேற்கொண்டனர்.
புதுக்கோட்டை:புதுக்கோட்டை
மாவட்டம், கறம்பக்குடி அருகே ரேசன் அரிசியை பதுக்கி வைத்து விற்பனையில் ஈடுபட்டவரை
புதன்கிழமை போலீஸார் கைது செய்தனர்.
கறம்பக்குடி அருகேயுள்ள வெட்டன்விடுதி பகுதியில்
ரேசன் அரிசி பதுக்கி வைக்கப்பட்டு அதிக விலைக்கு விற்பனை நடைபெறுவதாக கிடைத்த தகவலைத்
தொடர்ந்து, புதுக்கோட்டை மாவட்ட குடிமைப் பொருள் வழங்கல் குற்றப் புலனாய்வுத்துறை
காவல் உதவி ஆய்வாளர் கார்த்திக் தலைமையிலான போலீஸார் அப்பகுதியில் தீவிர கண்காணிப்பில்
ஈடுபட்டனர். அப்போது, வெட்டன்விடுதி பூக்காரத் தெருவைச் சேர்ந்த எஸ்.ஆனந்தகுமார்(45)
என்பவரது வீட்டில் 22 மூட்டைகளில் சுமார் 1 டன் ரேசன் அரிசி பதுக்கி வைக்கப்பட்டிருந்தது
தெரியவந்தது. தொடர்ந்து, அரிசி மூட்டைகள், பதிவு எண் இல்லாத மொபட் ஆகியவற்றை பறிமுதல்
செய்ததோடு, ஆனந்தகுமாரை கைது செய்து விசாரணை மேற்கொண்டுவருகின்றனர்.
புதுக்கோட்டை, மே: உலக தொழிலாளர் தினத்தையொட்டி மரம் நண்பர்கள் அமைப்பு சார்பில் சனிக்கிழமை நடைபெற்ற மே தின விழாவில் புதுக்கோட்டை நகராட்சியில் பணியாற்றும் சுகாதாரப்பணியாளர்கள் கௌரவிக்கப்பட்டனர்.
புதுக்கோட்டை மரம் நண்பர்கள் அமைப்பு சார்பில் நிஜாம் காலனியில் நடைபெற்ற மே தின கொண்டாடப்பட்டத்துக்கு பேராசிரியர் சா.விஸ்வநாதன் தலைமை வகித்தார், மக்கள் நீதிமய்ய விவசாய அணி மாவட்ட தலைவர் கார்த்திக் மெஸ் மூர்த்தி வரவேற்றார். பழனியப்பா மெஸ் கண்ணன் சிறப்பு அழைப்பாளராக கலந்து கொண்டு மக்களின் சுகாதாரத்தைக் காக்கும் வகையில் நகரை சுத்தம் செய்யும் பணிகளை பாராட்டி சுகாதாரப் பணியாளர்களுக்கு சால்வை அணிவித்து இனிப்பு வழங்கினார். அனைவருக்கும் கை கழுவதற்கான சோப்புகளையும் வழங்கி வாழ்த்தினார்.
விழாவில், இந்திய விவசாய சங்கத் தலைவர் ஜி.எஸ்.தனபதி, நகர்மன்ற முன்னாள்
உறுப்பினர் ஏ.எம்.எஸ். இப்ராஹிம் பாபு ஆகியோர் வாழ்த்தி
பேசினர். இதில், பாரதவிலாஸ் கிருஷ்ணமூர்த்தி, மொபைல் ராசு, பொறியாளர்கள் ரியாஸ்கான், இறையன்பு, பிரகாஷ்,
நகராட்சி சுகாதார மேற்பார்வையாளர்
பூமாலை ஆகியோர் பங்கேற்றனர்.
ஏற்பாடுகளை மரம் நண்பர்களின் ஒருங்கிணைப்பாளர் மருத்துவர் ஜி.எட்வின் செய்திருந்தார் சுகாதாரப் பணியாளர் ஆறுமுகம் நன்றி கூறினார்.
புதுக்கோட்டை மாவட்டம், கீரமங்கலம் அருகேயுள்ள மேற்பனைக்காட்டில் வேளாண் திருத்தச் சட்டங்களை திரும்ப பெற வலியுறுத்தி நாம் தமிழர் கட்சியினர் வெள்ளிக்கிழமை ஆர்ப்பாட்டத்தில் ஈடுபட்டனர்.
கீரமங்கலம் அருகேயுள்ள மேற்பனைக்காட்டில் கட்சி நிர்வாகி ரவிக்குமார் தலைமையில் நடைபெற்ற ஆர்ப்பாட்டத்தில், மத்திய அரசின் புதிய வேளாண் திருத்தச்சட்டங்களை திரும்ப பெற வலியுறுத்தியும், தில்லியில் போராடும் விவசாயிகளுக்கு ஆதரவாகவும் முழக்கங்கள் எழுப்பினர்.இதில், கட்சி நிர்வாகிகள், ராஜாராம், முரளிதரன், இளமதி உள்பட ஏராளமானோர் பங்கேற்றனர்.
ஈரோடு, பிப்:கோபிசெட்டிபாளையம் கோட்டாட்சியர் அலுவலகத்தில் தேர்தல் நடத்தும் அலுவலர் பழனிதேவி தலைமையில் அனைத்து கட்சி பிரமுகர்களுடன் ஆலோசனைக்கூட்டம் நடைபெற்றது.
இதில் தேர்தல் விதிமுறைகள் கடைபிடிப்பது பிரச்சார கூட்டங்கள் மற்றும் வாகனங்களுக்கு அனுமதி வழங்குவது சுவர் விளம்பரங்கள் செய்வது போன்ற பல்வேறு விஷயங்கள் விவாதிக்கப்பட்டது.
தமிழக சட்டமன்ற தேர்தல் தேதி அறிவிக்கப்பட்டுள்ள நிலையில் தேர்தல் களம் சூடுபிடிக்கத்தொடங்கியுள்ளது. தேர்தல் ஆணையம் ஒவ்வொரு சட்டமன்ற தொகுதிக்கும் தனித்தனி தேர்தல் அதிகாரிகளை நியமித்தும் கண்காணிப்பு குழு பறக்கும் படைகளை அமைத்தும் தேர்தல் பணிகளில் மும்மரமாக ஈடுபட்டுவருகின்றனர்.
அதன் ஒரு பகுதியாக, ஈரோடு மாவட்டம், கோபிசெட்டிபாளையம் கோட்டாட்சியர் அலுவலகத்தில் அனைத்து அரசியல் கட்சி பிரமுகர்களுடன் நடைபெற்ற ஆலோசனைக்கூட்டத்திற்கு தேர்தல் நடத்தும் அதிகாரியான பழனிதேவி தலைமை வகித்தார்.
இக்கூட்டத்தில் அரசியல் கட்சியர் மற்றும் தேர்தலில் போட்டியிடும் வேட்பாளர்கள் குறிப்பிட்ட நேரத்தில் பொதுமக்களுக்கும் மாணவர்களும் இடையூறு இன்றி பிரச்சாரம் மேற்கொள்ளவேண்டும் என்றும் பள்ளிகள் கோயில்கள் மசூதிகள் மற்றும் தேவாலயங்களின் அருகில் ஒலிபெருக்கி மூலம் பிரச்சாரம் மேற்கொள்ளக்கூடாது என்றும் அறிவுறுத்தப்பட்டது.
தேர்தல் ஆணையம் அறிவித்துள்ள விதிமுறைகளின் படி பிரச்சாரம் மேற்கொள்ளவேண்டும் என்றும் அதேபோல் பிரச்சார கூட்டங்கள் மற்றும் பிரச்சார வாகனங்கள் அனுமதி பெற்று செயல்படுத்தவேண்டும்.
சுவர் விளம்பரங்கள் உரிமையாளர்களின் அனுமதி கடிதம் பெறவேண்டும். கட்சி கொடிக்கம்பங்கள் அகற்றுதல் அரசியல் கட்சி பெயர் பலகைகளை அகற்றுதல் போன்றவற்றை அந்தந்த கட்சியினர் அப்புறப்படுத்தவேண்டும் என அறிவுறுத்தப் பட்டது. வாக்கு சேகரிக்க செல்லும் போது 5 நபர்கள் மட்டுமே செல்லவேண்டும் எனவும் மீறினால் சட்டப்படி நடவடிக்கை மேற்கொள்ளப்படும் என்றும் எச்சரிக்கை விடுத்தார்.
அதனை தொடர்ந்து திருமண மண்டப உரிமையாளர்கள் மற்றும் தங்கும் விடுதி உரிமையாளர்களுக்காக ஆலோசனைக் கூட்டம் கோட்டாட்சியர் தலைமையில் நடைபெற்றது. இதில் அனுமதியின்றி அரசியல் கூட்டகள் நடத்தவும் ஆலோனைக் கூட்டத்திற்கும் மண்டபங்களில் அனுமதியளித்தால் திருமணமண்டபங்கள் சீல் வைக்கப்படும் என்றும் வெளியூர் மற்றும் வெளிமாநிலத்தவர்கள் தங்கும் விடுதியில் தங்கினால் காவல்துறையினருக்கு தகவல் தெரிவிக்கவேண்டும் என்றும் கேட்டுக்கொள்ளப்பட்டது.
சென்னை: உள்ளது உள்ளபடி பிரச்னைகளை முன்வைத்து பேசுங்கள் என்று மாவட்ட ஆட்சியர்கள் கூட்டத்தில் முதலமைச்சர் ஸ்டாலின் அறிவுறுத்தியுள்ளார்.
மாவட்ட ஆட்சியர்கள் கூட்டத்தில் அவர் பேசியதாவது: புதிதாக பொறுப்பேற்ற உடன் கொரோனா பரவல் என்ற பெரும் சவாலை ஏற்று மக்களை காப்பாற்றும் பொறுப்பு எனக்கு ஏற்பட்டுள்ளது. மக்களை காக்கும் மகத்தான பணியில் அனைரும் ஒருங்கிணைந்து ஈடுபட வேண்டும்.
தமிழகத்தில் தற்போது தினசரி தொற்றால் பாதிக்கப்படுவர் என்ணிக்கை 25 ஆயிரம் என்று இருக்கிறது. வரும் 2 வாரங்க ளில் குறையும் வாய்ப்பு இருப்பதாக மருத்துவ வல்லுநர்கள் தரப்பில் கண்டறறிப்பட்டுள்ளது. தொற்று அதிகரிக்கும் போது அதற்கேற்ப படுக்கை வசதிகள், மருந்துகள், ஆக்சிஜின் தேவை. எனவே அதற்கான நடவடிக்கைகள் போர்க்கால அடிப்ப டையில் மேற் கொள்ள வேண்டும். எனவே மாவட்ட ஆட்சியர்கள், காவல்துறை கண்காணிப்பர்களும், அனைத்து அலுவ லர்கள் முழு முனைப்போடு இணைந்து செயலாற்ற வேண்டும்.
இறப்புகளை குறைக்க மருத்துவர்கள், செவிலியர்கள் அரும்பாடுபட்டு பணி ஆற்றி வருகின்றனர். கூடுதலாக மருத்துவர்கள் செவிலியர்கள், பணியாளர்கள் உடனடியாக நடவடிக்கை எடுக்குமாறும், ரெம்சிடெசிவிர் மருந்து வகைகளை கிடைக்க செய்யுமாறும் கேட்டுக கொள்கிறேன். 45 வயதுக்கு மேற்பட்டவர்கள் உயிரிழப்பதும் அதிகமாகி உள்ளது. தகுதியான அனைவரும் தாமாக முன் வந்து தடுப்பூசி போட்டு கொள்ள வேண்டும். சென்னை, கோவை, திருச்சி உள்ளிட்ட மாவட்டங்களில் கொரோனா தொற்று கூடுதலாக உள்ளது.
எனவே, இந்த பகுதிகளில் உள்ள அலுவலர்கள் நோய் தொற்றின் பரவலை கட்டுப்படுத்த வேண்டும். இந்த கூட்டத்தின் நோக்கம் எல்லா அலுவலர்கள் உள்ளபதை உள்ளபடியே முன்வைத்து, அமைப்புகளில் உள்ள குறைபாடுகளை, கடக்க வேண்டிய தூரத்தை ஒளிவு மறைவு இல்லாமல் எடுத்து உரைக்க கொள்ள வேண்டும்.முழு உண்மையை நேருக்கு நேர் சந்தித்து, மக்கள் மகிழ்ச்சி அடையும் நிலையை உருவாக்குவோம் என்று முதலமைச்சர் மு.க.ஸ்டாலின் தெரிவித்துள்ளார்.
